Трос дыр ӵоже кузёяськиз ини Гужем. Шуныт шунды улын, ненег куаръёс но сяськаос пӧлын шумпотыса улӥз со.  Малы шум уз поты? Сое быдэс дунне яратэ ук!

Огпол со доры вуиз чибориё Сӥзьыл но шуиз: «Малы ке чебер ӧвӧл тынад писпуосыд, ваньзы одӥг тусо дӥськутэн. Дыр вуиз ини соосты чебереныз, чибориеныз воштыны». Та кылъёсты кылыса Гужем куаляк луэм, вожыз потэм: «Кошкы татысь, Сӥзьыл. Адӟиськод-а пиналъёс шум потыса нюлэскын ветло на, соос Гужемез ярато. Мон кузёяськыку соос шутэтско, дышетскыны но соослы ветлоно ӧвӧл».

Та ӵенгешисьёсты пиналъёс адӟизы но кеськизы: «Учке али, асьме доры Сӥзьыл вуэм! Кыӵе умой, табере нюлэсмы пӧртэм буёло луоз, пӧртэм емышен куноялоз, школае но дышетскыны мыномы!»

«Адӟид-а,  Гужем, – шуиз Сӥзьыл, мыным но пиналъёс шумпото». «Яралоз, – шуиз Гужем но нырзэ ошыса кошкиз, – кар ачид сямен».

Со дырысен Сӥзьыл кутскиз кузёяськыны, ваньзэ ас сяменыз чеберъяны, ужаны. 

Любова Наташа, 5-тӥ класс