| Статистикамы |
Онлайн ваньмыз: 1 Куноос: 1 Пыриськисьёс: 0 |
|
Ӟечбуресь гажано эшъёс!
Ми Кукмор ёросысь Нырья шор ёзо школаын дышетскись Алина но Альбина нимо нылъёс малпамы удмурт пиналъёслы вотэсбам кылдытыны. Таӵе вотэсбам кемалась кулэ ни асьмелы, малы ке шуоно ӟуч, бигер, немец но англи кылъёсыз дышетскисьёслы туж трос дышетскыны юрттӥсь ужъёс дунневотэсысь шедьтыны луэ. Нош асьме анай-атай удмурт кылмы воксё интернетын ӧвӧл. Вань школьной сочинениос но дорысь ужъёс вылын туж кема пуконо луэ. Удмурт пиналъёслы выльысь но выльысь "весьпед" малпано луэ...
Нош со дыре вань дунне воля азьло кылдытэм ужъёсыз азьланьтыса-умойтыса. Соин ик, гажано эшъёс, удмурт кылэз дышетскисьёс, асьмелы кулэ удмурт кылмес азьланьтыны, сое волятыны, чебергес но устогес карыны! Ойдолэ ог-огмылы юрттомы дырмес дунъяны но вордскем удмурт кылынымы данъяськыны!
Соин ик ми куриськомы Тӥлесьтыд удмурт кылъя но литературая УСТО ужъёстэс, кудъёсыз дунъямын вал "4" но "5" отметкаосын. Ми туж шумпотомы шонер удмурт кылын гожтэм ужъёслы, дырды ӧз ке тырмы, ыстэмды луоз уждылэсь туспуктэмзэ ке но.
Пыралэ ми доры кепыратэк, вань ужъёсмы витё Тӥледыз. Нош эн вунэты аслад http://ustochi.ucoz.ru/ эшедлы но юрттыны - одно ик ысты милемлы аслэсьтыд ужъёстэ! Тӥляд ужъёсты шоры учкыса, удмурт пиналъёс асьсэ ужъёссэс азьланьтыны быгатозы.
Нош юанъёсты-сюлэм шугъяськонъёсты вань ке вазиське милемлы.
Ваньмыз валамон ке - озьыен АЗЬЛАНЬ!
|
|
| Календарьмы |
| « Куартолэзь 2024 » | | Врд | Пкс | Врн | Пкч | Уда | Ксн | Арн | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
| Милям картамы |
 |
| Мар вылез |
|
|
