| Статистикамы |
Онлайн ваньмыз: 1 Куноос: 1 Пыриськисьёс: 0 |
|
«Мар со сыӵе яратон!»
«Мар со сыӵе яратон!»
Яратон,яратон
Мар меда сыӵе тон?
Оло тон куректон,
Оло тон шумпотон?
Бен, зэм но,мар со сыӵе яратон? Кин сётоз та юанлы ответ? Яратон-со тулыс тудвулэсь но,вуюисьлэсь но,шундылэсь но кужмо,яркыт,ӟырдыт маке. Сое котьку но вылэ пуктоно. Яратон сюлэмын луыны кулэ. Со сярысь ваньмызлы уд вера,уд шарая. Яратон асьмеосыз бурдъя,кужмогес каре. Нош ӵем дыръя асьмеос ог-огенымы керетӥськом,ченгешиськом. Малы? Мон сямен,асьмеос ум валаське,ум быгатӥське сюлэммес усьтыны,пӧзӥсь кылъёсмес вераны,мылкыдмес шараяны,ум валаське ог-огмес,ум оскиське ог-огмелы. Со бордысен ӟырдыт яратон но кысыны кутске. Яратоно адямиослы кузьмано вань ӟырдыт кылъёсмес,кудъёсыз та дырозь нокинлы но кулэ ӧй вал. Кузьмано пӧсектэм сюлэммес. Сюлэмез одӥг муртлы гинэ кузьмано, сое сӥзьым полэс усьтонэн пытсаса возёно. Одӥг адямиен улоно, дуннеысь омыр бырытозь,инбамысь шунды кысытозь,зарезьёс куасьмытозь но толэзь усьытозь. Яратоно озьы,кызьы ноку но ӧд яраты.
Мынам одӥг эше вань. Со тямысэти классысен яратэ ни одӥг пиез. Пиез но сое туж но яратэ. Ог-огзы шоры учко но,пеймыт интыын но,шунды ӝуатске кадь. Соослэн сюлэмазы ноку но медаз кысы яратон.
Куд-ог дыръя яратон вае кайгу,бӧрдон,куректон. Нош яратӥсь мурт пыр-поч валаса ортчоз. Собере Инмар,та адями шоры учкыса вералоз:»Уно куректон пыр ортчид ини тон,мед луоз тынад сюресад но яратон».
Та уж басьтэмын: http://«Мар со сыӵе яратон!»,мар со сыче яратон |
| Категориез: Мои статьи | Ватсаз: ustochi (31.03.2012)
|
| Учкемын: 2860
| Рейтингез: 5.0/2 |
|
|
