М.П. Петров «Кырӟан улоз» поэмаяз суреда эрикез но Родинаез ӟырдыт яратӥсь удмурт поэтлэсь Ф.Г.Кедровлэсь Быдӟым Отечественной война дыръя батыр нюръяськемзэ но геройлыко быремзэ. Ф.Кедров авторлэн гажано но яратоно эшез вал. Ожмаськон дыръёс ваньмызлы туж секыт вал.

Тросэз удмурт гожъяськисьёс но мынӥзы оже. Нырысетӥ нуналъёсы ик фронтэ кошкизы П.Блинов, Ф. Кедров, М. Петров, И. Гаврилов, Л. Векшина, С. Широбоков, А. Клабуков, Ф.Александров но мукетъёсыз. Озьы удмурт литератураын ожмаськон сярысь произведениос потыны кутско. Филипп Кедров но вань советской воинъёслэн нимынызы юн оскемзэ вера «Оскы, Родина» кылбураз:

Берыктомы ваньмыз понна,

Урмем Гитлер армиллы.

Оскы, калык, оскы, страна

Котьку оскы милемлы!

Туж витё гуртъёсын солдатъёслэсь иворъёссэс. Кедровлэн анаез но вите гожтэт, со кулэм, дыр, ини шуыса малпаське. Озьы ик вань, Филипп Кедров ож бусые кулӥз, берытскыны ӧз удалты солы.

Поэмаын шӧдӥське калыклэн кужымезлы, вормонлы оскон мылкыд. Геройлэн быремез – со туж бадӟым ыштон, бадӟым куректон, но озьы ке но уг куашка асьме адямилэн мылкыдыз.

«Сэзь инэз ум сётэ каргам тушмонлы пильманы,

Тырю о шуръёсмес ми ум сётэ солы лёганы,

Кӧл, поэт.

Кырӟанэд солдатэн ӵош бертӥз вормисен,

Вордӥськем шаерад со вуиз калыклы но юрттӥсен,

Кӧл, поэт!

Тынэсьтыд кӧлондэ ми утём, кылбурчи.

Тон вадьсын лыз буртчин кадь чылкыт-чагыр ин

Гу вылад – нылъёслэн мерттылэм чебересь сяськаос»